Daeth Andy i Gymru o Ganada ar wyliau, cwrdd ag Esther…a byth gadael! Pum mlynedd ar hugain yn ddiweddarach, rydym ni a’n teulu ifanc yn ystyried ein hunain yn ffodus iawn i alw Cricieth yn gartref i ni, ac i fyw a gweithio mewn le mor hyfryd. Yn 2017 fe brynon ni’r safle oedd wedi bod yn ‘pitch and putt’ Morannedd, ac ychwanegu golff disg a golff peldroed i greu aml-golff Cricieth. Y flwyddyn ganlynol fe wnaethom ychwanegu llogi byrddau padlo a caiacs i’r busnes, gan wneud y gorau o’n lleoliad hardd wrth ymyl y môr. Ers ychydig o amser rydym wedi bod yn edrych ar ffyrdd o ddefnyddio ein safle y tu hwnt i fisoedd yr haf….ac ar ôl ymweld â ffrindiau yn Sweden a gwirioni ar ddiwydiant sawna, cawsom ein ‘light bulb moment’ – a ganwyd Sawna Cricieth!

Mae ein sawna wedi’i adeiladu gan Andy, (gan wneud defnydd da o’i gefndir yn y diwydiant adeiladu), a’i ddylunio gennym ni ar y cyd â’r tîm gwych yn sawna Finnmark.

Rydym wrth ein boddau gyda’r canlyniadau, a gobeithio y byddwch chithau hefyd.

Gall eich sesiwn sawna fod yn Breifat, i chi a’ch parti o hyd at 8 o bobl, neu gallwch archebu lle mewn sesiwn Cymunedol gyda aelodau eraill o’r cyhoedd.

Er eich cysur, rydym yn cyfyngu’r nifer mewn sesiwn gymunedol i 6, er mwyn caniatáu ychydig mwy o le i bawb. Mae sesiynau sawna ar gael mewn sesiynau 50 neu 80 munud, gan gynnwys amser ar gyfer newid.

Rydym ar agor yn reolaidd o ddydd Gwener i ddydd LLun bob wythnos; gweler ein tudalen archebu ar gyfer y sesiynau sydd ar gael. Os hoffech drefnu profiad sawna y tu allan i’n horiau agor arferol, cysylltwch â ni.